കിണറ്റില്‍ നിന്നും മുകളിലേക്ക് നോക്കി തവള വിളിച്ചു പറഞ്ഞു.
"നിങ്ങള്‍ക്ക് ലോകം കാണണ്ടേ..? വരൂ, ഇതാണ് ലോകം.
ഇവിടെയാണ്‌ സ്വര്‍ഗ്ഗം. ഇറങ്ങി വരൂ.."
മുകളിലുള്ളവര്‍ പരിഹസിച്ചില്ല.
കാരണം, അവര്‍ക്കറിയാം തവളയുടെ 'ലോകം' കിണറാണെന്ന്.!*************************************************************************
"ഭയപ്പെടാനൊന്നുമില്ല, ഏറിയാല്‍ ഒരാഴ്ച.."
ഡോക്ടര്‍ ആശ്വസിപ്പിച്ചു.
എന്നാലും.. കടിഞ്ഞൂലാണ്. ദൈവമേ, ആപത്തൊന്നും വരുത്തല്ലേ..
അമ്മയുടെ വെപ്രാളം മനസ്സിലാക്കിയ കുഞ്ഞ് ഗര്‍ഭപാത്രത്തില്‍ നിന്നും വിളിച്ചു പറഞ്ഞു.
"മമ്മീ, ധൈര്യമായിരിക്കൂ;
സമയമാകുമ്പോള്‍ ഞാന്‍ daddy യുടെ സെല്‍ ഫോണില്‍ വിളിച്ചോളാം.."!
കണ്ണടയോട് കണ്ണുകള്‍ എന്നും ക്ഷോഭിക്കും.
"എന്ത് ധിക്കാരമാണിത്. ഞങ്ങള്‍ക്കുമേല്‍ നീ അവകാശം സ്ഥാപിച്ചിരിക്കുന്നു.
ഒന്നിറങ്ങിപ്പോകുന്നുണ്ടോ..?"
പാവം കണ്ണട. കണ്ണുകളുടെ കലമ്പല്‍ അസഹ്യമായപ്പോള്‍ അത്
"ചെമ്മീന്‍ ചാടിയാല്‍ മുട്ടോളം., പിന്നേം ചാടിയാല്‍ ചട്ടിയോളം.."
ഉമ്മുമ്മാന്‍റെ പ്രത്യേക ശൈലിയിലുള്ള പാട്ട് കേട്ട് പേരക്കുട്ടി ചോദിച്ചു."ഉമ്മുമ്മാ, അതൊന്ന് explain ചെയ്യൂ.. please.."
അപ്പോള്‍ ഉമ്മുമ്മ വിശദീകരിച്ചു.
"ചെമ്മീന്‍, മ്മടെ നാട്ടുകാരിയാ. പശേന്കില് ഓളിപ്പം ഗള്‍ഫും കഴിഞ്ഞ് യൂറോപ്പിലും
അമേരിക്കേലും എത്തീക്കണ്. എന്നിട്ടെന്താ, എത്ര ചാടിയാലും മുട്ടോളമേ എത്തൂ.
പിന്നേം ചാടിയാലോ, ചട്ട്യോളവും. അവിടന്ന് വറചട്ടിയിലേക്ക്.. പിന്നെ എരിതീയിലേക്ക്..!
