twitter












  • അഹങ്കാരം..!


കണ്ണടയോട് കണ്ണുകള്‍ എന്നും ക്ഷോഭിക്കും.



"എന്ത് ധിക്കാരമാണിത്. ഞങ്ങള്‍ക്കുമേല്‍ നീ അവകാശം സ്ഥാപിച്ചിരിക്കുന്നു.
ഒന്നിറങ്ങിപ്പോകുന്നുണ്ടോ..?"

പാവം കണ്ണട. കണ്ണുകളുടെ കലമ്പല്‍ അസഹ്യമായപ്പോള്‍ അത്

താഴത്തെക്ക് എടുത്തുചാടി, ചില്ലുകള്‍ പൊട്ടിപ്പൊളിഞ്ഞു..

അപ്പോള്‍,
അതെ വേഗതയില്‍ തന്നെ കണ്ണുകളിലേക്ക് ഇരുട്ടും പാഞ്ഞെത്തി..!
__________________________________________________

      • ഗതികേട്..!

      "ചെമ്മീന്‍ ചാടിയാല്‍ മുട്ടോളം., പിന്നേം ചാടിയാല്‍ ചട്ടിയോളം.."

      ഉമ്മുമ്മാന്‍റെ പ്രത്യേക ശൈലിയിലുള്ള പാട്ട് കേട്ട് പേരക്കുട്ടി ചോദിച്ചു.

      "ഉമ്മുമ്മാ, അതൊന്ന് explain ചെയ്യൂ.. please.."

      അപ്പോള്‍ ഉമ്മുമ്മ വിശദീകരിച്ചു.


      "ചെമ്മീന്‍, മ്മടെ നാട്ടുകാരിയാ. പശേന്കില് ഓളിപ്പം ഗള്‍ഫും കഴിഞ്ഞ് യൂറോപ്പിലും

      അമേരിക്കേലും എത്തീക്കണ്. എന്നിട്ടെന്താ, എത്ര ചാടിയാലും മുട്ടോളമേ എത്തൂ.

      പിന്നേം ചാടിയാലോ, ചട്ട്യോളവും. അവിടന്ന് വറചട്ടിയിലേക്ക്.. പിന്നെ എരിതീയിലേക്ക്..!

      അതായത് മ്മളൊക്കെ കറിയാക്കീറ്റ് ഓളെ തിന്നൂന്ന്. പ്പം മനസ്സിലായാ ന്‍റെ കുട്ട്യേ..?"
      "ഓ, മനസ്സിലായി..."

      Monday, April 26, 2010 | 49 comments | Labels:









      അടിയേറ്റു പിടയുമ്പോള്‍ പാമ്പ് പറഞ്ഞു.



      "തെറ്റ് എന്‍റെതാണ്.
      ഒരിക്കലും ചെയ്യരുതാത്തതാണ് ഞാന്‍ ചെയ്തത്.
      ഒരുപാട് കാലം നിങ്ങളെന്നെ പാലൂട്ടി വളര്‍ത്തി.
      ഇപ്പോള്‍ ഞാന്‍ തിരിച്ചു കൊത്തിയിരിക്കുന്നു.
      ക്ഷമിക്കണം. എന്നെ കൊല്ലാതെ വിടണം.."



      "ഇല്ല. നിനക്ക് മാപ്പില്ല.,
      നന്ദികെട്ട നിന്നെപ്പോലുള്ളവര്‍ക്ക് ഇതൊരു പാഠമാകണം."



      വീണ്ടും ഞാന്‍ ആഞ്ഞു വീശി... തലയും ഉടലും വേര്‍പെടും വരെ..!!
      Tuesday, April 20, 2010 | 44 comments | Labels: