പണ്ട്, മനുഷ്യനുള്ളില് ദൈവമുണ്ടായിരുന്നുവത്രേ.
ഇന്ന്, ആകാശത്തുനിന്നും ദൈവത്തെ പുറത്താക്കി
അവിടെ വസിക്കാന് ശ്രമിക്കുന്നു മനുഷ്യന്.
പണ്ട്, ദൈവത്തെ അവനു ആവശ്യമായിരുന്നു.
ഇന്ന് ദൈവം അവന്റെ അലമാരയില് ഭദ്രമാണ്.
Showing posts with label മിനിക്കഥ.. Show all posts
Showing posts with label മിനിക്കഥ.. Show all posts
വഴിയില്വെച്ച് ആനയെ കണ്ടപ്പോള് ഉറുമ്പ് സൂക്ഷിച്ചു നോക്കി.
'നിന്നെ ഇല്ലാതാക്കാന് എനിക്ക് കഴിയുമെന്ന' ആ നോട്ടത്തിനു മറുപടിയായി
ആന പറഞ്ഞു:
"പഴയതുപോലെ നിങ്ങളെ പേടിച്ചു ജീവിക്കാനൊന്നും ഞങ്ങളെ കിട്ടില്ല. പുതിയലോകത്ത്
ഞങ്ങള് സഞ്ചരിക്കുന്നത് മോഡേണ് ടെക്നോളജി ഉപയോഗിച്ചാണ്. അതുകൊണ്ട് പേടിപ്പിക്കാതെ
വഴിമാറി പൊയ്ക്കോ. അല്ലേല് ചവിട്ടിയരക്കും ഞാന്!"
വലിയവരുടെ ലോകത്ത് താന് പിന്നെയും ചെറുതാവുന്നതായി ഉറുമ്പിനു തോന്നി..!
രോഗിയുടെ ഹൃദയം തുറന്ന ഡോക്ടര്മാര് അതിനകത്തെ കാഴ്ച കണ്ടു ഞെട്ടിപ്പോയി..!!
പണ്ട്, ശിഷ്യന് ഗുരുവിനു സമര്പ്പിച്ചത് സ്വന്തം വിരലായിരുന്നു. ഇന്ന്, ഗുരുവിനു ദക്ഷിണ നല്കാന് ഗുരുവിന്റെ തന്നെ ചോരയില് പൊതിഞ്ഞ കൈപ്പത്തി..!
പണ്ട്, ടീച്ചര്മാര് മാതൃതുല്യരായിരുന്നു. അവര് ശിഷ്യരുടെ ഹൃദയത്തില് ജീവിച്ചിരുന്നു. ഇന്ന്, 'മാതൃഭാവന' പോലും മൊബൈല് ക്യാമറയില് നഗ്നരാണ്... അവ ബ്ലൂടൂത്തിലൂടെ കൈമാറ്റം ചെയ്യപ്പെടുന്നു..!
'സുഖമാണോ' എന്ന് ചോദിച്ച കുറുക്കനോട് ചെന്നായ പറഞ്ഞു:
"തമ്മിലടിപ്പിച്ച് ചോരകുടിക്കുന്ന ജോലി മനുഷ്യര് ഏറ്റെടുത്തതിനാല് വലിയ പ്രയാസത്തിലാണ് ജീവിതം. മുട്ടനാടുകളും പഴയത് പോലെ പിടി തരുന്നില്ല..."
പെന്സിലും നോട്ടുബുക്സും ലഞ്ച്ബോക്സും
ബാഗും കുടയും വാങ്ങുന്നതിനിടയില് മകന് ഓര്മ്മിപ്പിച്ചു.
"പപ്പാ, തോക്ക്.....?"
മകന്റെ ആവശ്യം ന്യായമാണെന്ന് തോന്നിയ പിതാവ് പറഞ്ഞു.
"ഓ.. ഞാനത് മറന്നു.. വരൂ, മുന്തിയൊരെണ്ണം തന്നെയാവാം.."
തന്റെ കണ്ണട പരതിയെടുക്കാന് ആവശ്യപ്പെട്ട വല്യമ്മയോടു പേരക്കുട്ടി പറഞ്ഞു:
"system ഓണ് ചെയ്തിട്ട് googleല് search ചെയ്തു നോക്കട്ടെ.
കണ്ണട അവിടുണ്ടാകും.."
'സിസ്റ്റ'വും 'ഗൂഗിളും' ' സെര്ച്ചും' അറിയാത്ത വല്യമ്മ പറഞ്ഞു.
"ആയ്ക്കോട്ടെ.."
- അറിവ്
കിണറ്റില് നിന്നും മുകളിലേക്ക് നോക്കി തവള വിളിച്ചു പറഞ്ഞു.
"നിങ്ങള്ക്ക് ലോകം കാണണ്ടേ..? വരൂ, ഇതാണ് ലോകം.
ഇവിടെയാണ് സ്വര്ഗ്ഗം. ഇറങ്ങി വരൂ.."
മുകളിലുള്ളവര് പരിഹസിച്ചില്ല.
കാരണം, അവര്ക്കറിയാം തവളയുടെ 'ലോകം' കിണറാണെന്ന്.!*************************************************************************
- പുരോഗതി
"ഭയപ്പെടാനൊന്നുമില്ല, ഏറിയാല് ഒരാഴ്ച.."
ഡോക്ടര് ആശ്വസിപ്പിച്ചു.
എന്നാലും.. കടിഞ്ഞൂലാണ്. ദൈവമേ, ആപത്തൊന്നും വരുത്തല്ലേ..
അമ്മയുടെ വെപ്രാളം മനസ്സിലാക്കിയ കുഞ്ഞ് ഗര്ഭപാത്രത്തില് നിന്നും വിളിച്ചു പറഞ്ഞു.
"മമ്മീ, ധൈര്യമായിരിക്കൂ;
സമയമാകുമ്പോള് ഞാന് daddy യുടെ സെല് ഫോണില് വിളിച്ചോളാം.."!
- അഹങ്കാരം..!
കണ്ണടയോട് കണ്ണുകള് എന്നും ക്ഷോഭിക്കും.
"എന്ത് ധിക്കാരമാണിത്. ഞങ്ങള്ക്കുമേല് നീ അവകാശം സ്ഥാപിച്ചിരിക്കുന്നു.
ഒന്നിറങ്ങിപ്പോകുന്നുണ്ടോ..?"
പാവം കണ്ണട. കണ്ണുകളുടെ കലമ്പല് അസഹ്യമായപ്പോള് അത്
താഴത്തെക്ക് എടുത്തുചാടി, ചില്ലുകള് പൊട്ടിപ്പൊളിഞ്ഞു..
അപ്പോള്,
അതെ വേഗതയില് തന്നെ കണ്ണുകളിലേക്ക് ഇരുട്ടും പാഞ്ഞെത്തി..!
__________________________________________________
- ഗതികേട്..!
"ചെമ്മീന് ചാടിയാല് മുട്ടോളം., പിന്നേം ചാടിയാല് ചട്ടിയോളം.."
ഉമ്മുമ്മാന്റെ പ്രത്യേക ശൈലിയിലുള്ള പാട്ട് കേട്ട് പേരക്കുട്ടി ചോദിച്ചു."ഉമ്മുമ്മാ, അതൊന്ന് explain ചെയ്യൂ.. please.."
അപ്പോള് ഉമ്മുമ്മ വിശദീകരിച്ചു.
"ചെമ്മീന്, മ്മടെ നാട്ടുകാരിയാ. പശേന്കില് ഓളിപ്പം ഗള്ഫും കഴിഞ്ഞ് യൂറോപ്പിലും
അമേരിക്കേലും എത്തീക്കണ്. എന്നിട്ടെന്താ, എത്ര ചാടിയാലും മുട്ടോളമേ എത്തൂ.
പിന്നേം ചാടിയാലോ, ചട്ട്യോളവും. അവിടന്ന് വറചട്ടിയിലേക്ക്.. പിന്നെ എരിതീയിലേക്ക്..!
അതായത് മ്മളൊക്കെ കറിയാക്കീറ്റ് ഓളെ തിന്നൂന്ന്. പ്പം മനസ്സിലായാ ന്റെ കുട്ട്യേ..?"
"ഓ, മനസ്സിലായി..."
അടിയേറ്റു പിടയുമ്പോള് പാമ്പ് പറഞ്ഞു.
"തെറ്റ് എന്റെതാണ്.
ഒരിക്കലും ചെയ്യരുതാത്തതാണ് ഞാന് ചെയ്തത്.
ഒരുപാട് കാലം നിങ്ങളെന്നെ പാലൂട്ടി വളര്ത്തി.
ഒരുപാട് കാലം നിങ്ങളെന്നെ പാലൂട്ടി വളര്ത്തി.
ഇപ്പോള് ഞാന് തിരിച്ചു കൊത്തിയിരിക്കുന്നു.
ക്ഷമിക്കണം. എന്നെ കൊല്ലാതെ വിടണം.."
"ഇല്ല. നിനക്ക് മാപ്പില്ല.,
നന്ദികെട്ട നിന്നെപ്പോലുള്ളവര്ക്ക് ഇതൊരു പാഠമാകണം."
വീണ്ടും ഞാന് ആഞ്ഞു വീശി... തലയും ഉടലും വേര്പെടും വരെ..!!
Subscribe to:
Posts (Atom)
