കാമുകി പറഞ്ഞു:
"ഇത് ചെമ്പരത്തിപ്പൂവല്ലേ.. ഹൃദയമല്ലല്ലോ..!"
ഇന്ന്, ഹൃദയം ആവശ്യപ്പെട്ടപ്പോള് അവന് തന്നത്
ഗൂഗ്ളില് നിന്നുള്ളൊരു ചിത്രമായിരുന്നു.
പാതികീറിയ ഹൃദയത്തിന്റെ ഒരു ചുവന്ന ചിത്രം!
Showing posts with label മിനിക്കഥ. Show all posts
Showing posts with label മിനിക്കഥ. Show all posts
വലിയൊരു തടി വലിച്ചുകൊണ്ടുവന്നു വിശ്രമിക്കുകയായിരുന്ന ആനയുടെ ചെവിയില് ഈച്ചപറഞ്ഞു:
"തന്റെ പുറത്ത് ഞാനുമുണ്ടായിരുന്നു.."
!!!
മകന്റെ ശല്യം അസഹ്യമായപ്പോള് അമ്മ സങ്കടപ്പെട്ടു.
"മോനെ, നീ എന്തുമാത്രം ഈ അമ്മയെ ദ്രോഹിക്കുന്നു! ഒന്നുമില്ലെങ്കിലും പത്തുമാസം നിന്നെ ചുമന്നു നടന്നതല്ലേ ഈ അമ്മ..!"
അതുകേട്ടതും മകന് കോപം ഇരട്ടിച്ചു.
"ഒമ്പതുമാസവും കുറച്ചു ദിവസങ്ങളും മാത്രമാണ് ഒരു സ്ത്രീ ഗര്ഭം ചുമക്കുന്നതെന്ന് എനിക്കറിയാം. പിന്നെന്തിനാ അമ്മ കള്ളം പറയുന്നത്! കളവ് പറയുന്നവരോട് ദൈവംപോലും പൊറുക്കില്ല. മനസ്സിലായോ തള്ളേ."
അവന് പറഞ്ഞു:
"നമ്മുടെ പ്രണയം ഭൂമിയില് പരന്നൊഴുകണം. ആകാശത്ത് പാറിപ്പറക്കണം. ലോകത്തിനു പുതുമയുള്ളതാകണം. കാലത്തിനു മറക്കാന് കഴിയരുത്.."
അവള് കോരിത്തരിച്ചു.
അവള്ക്കവനെ വിശ്വാസമായിരുന്നു. അവനു വേണ്ടതെല്ലാം അവള് സമര്പ്പിച്ചു.
ഒടുവില് -
ഇന്റെര്നെറ്റിലൂടെ ഒഴുകിപ്പരന്ന അവരുടെ പ്രണയം അനശ്വരമായി. ലോകത്തിനു തന്നെ പുതുമയായി. കാലത്തിനു മറക്കാത്തതായി..!
വല്യുപ്പ മരിച്ചപ്പോള് പേരക്കുട്ടികള് വല്ല്യുമ്മാക്ക് ചുറ്റും കൂടി.
"ഇതൊക്കെ ഒരിക്കല് മാത്രം സംഭവിക്കുന്നതല്ലേ ഉമ്മുമ്മാ.
അതുകൊണ്ട് പാര്ട്ടി വേണം.
കെന്റക്കി ഫ്രെഡ് ചിക്കന്. അല്ലെങ്കില് മക്ഡോണാള്ഡ്. .!"
വല്ല്യുപ്പാന്റെ ഓര്മ്മകളില് നിന്നും ഞെട്ടിയുണര്ന്ന വല്യുമ്മ കുട്ടികളുടെ വാശിക്ക് മുന്പില് തോറ്റുപോയി.
സൂര്യനെ നോക്കി ചന്ദ്രന് പരിഹസിച്ചു.
"ഇങ്ങനെ കത്തിത്തീരാനാണ് നിന്റെ വിധി. എന്നെ നോക്കൂ, ഇനി മനുഷ്യന് ഹണിമൂണ് ആഘോഷിക്കാന് വരുന്നതുപോലും ഇങ്ങോട്ടേക്കായിരിക്കും.!"
അപ്പോള് സൂര്യനെ ആശ്വസിപ്പിച്ചുകൊണ്ട് ഭൂമി പറഞ്ഞു.
"സങ്കടപ്പെടരുത്. ഈ പോക്ക് പോയാല് മനുഷ്യന് നിന്നെയും കീഴ്പ്പെടുത്തും.."
"നിങ്ങളാ മനുഷ്യരെക്കൊണ്ട് തെറ്റ് ചെയ്യിക്കുന്നത്. അവര് ചെയ്യുന്ന പാപത്തിന്റെ ഒരു വിഹിതം നിങ്ങള്ക്കും കൂടി ഉള്ളതാ. നോക്കിക്കോ"
നായയുടെ ക്ഷോഭം കേട്ട് പൂവന്കോഴി ചോദിച്ചു.
"ഞങ്ങളെന്ത് ചെയ്തൂന്നാ?"
"നീയൊക്കെ കൂവുന്നത് കൊണ്ടാ മനുഷ്യന് ഉണരുന്നത്. ഞങ്ങളെ കാണുന്നില്ലേ, ഉറങ്ങാനാ ഇഷ്ട്ടം. ആരെയും ഉണര്ത്തുന്നുമില്ല."
സൈറണ് മുഴക്കി, ഭീതിപ്പെടുത്തി, ഓടിക്കിതച്ച് ആംബുലന്സ് പോകുമ്പോള് അയാള് സ്വയം
ചോദിച്ചു. എന്തായിരിക്കും അതില്..?
ഓ, 'വിലയില്ലാത്ത' ഒരു മനുഷ്യ ജീവനായിരിക്കും!
അയാളുടെ ചോദ്യത്തിന് അയാള് തന്നെ കണ്ടെത്തിയ ഉത്തരം അങ്ങനെയായിരുന്നു!
Subscribe to:
Posts (Atom)
